बिरगंज ,३० असोज ।
सशस्त्र प्रहरी बल पर्सा मातहतका प्रस्तावित सिमा सुरक्षा गुल्म बिरगंजले रु. १० लाख ५७ हजार ३ सय ५५ बराबरको भन्सार छलिका सामान सहित अटो बरामद गरि भन्सार दाखिला गरेको छ।
गुल्मका डिएसपी सुरज रिजालको दोस्रो पारीको दोस्रो महिना चल्दै छ , अहिलेसम्म सम्म डेढ करोड भन्दा बढीका भन्सार छलिका मालसामान गुल्मले बरामद गरिसकेको छ।पहिलो पारीको ६ महिने कार्यकालमा डिएसपी रिजालले १८ करोड भन्दा बढीका अबैध मालसामान बरामद गरेका थिए ।
सोही क्रममा असोज २९ गते जिल्ला पर्साको बिरगंज म.न.पा-१६ भन्सार मेनगेट स्थित बिभिन्न सीमानाकाहरुबाट गुल्म बिरगंज डिएसपी रिजालको कमान्डमा खटिएको टोलिले भारतबाट अबैध रुपमा ना २ ह ३८८७ नम्बरको अटोमा तथा बिभिन्न सार्वजनिक सवारी साधनमा लोड गरी नेपाल तर्फ ल्याउदै गरेको रु. ७ लाख ५७ हजार ३ सय ५५ बराबरको किराना, मोटरपार्टस, कस्मेटिक, मोवाईल एसेसोरीज, कपडा, ईलेक्ट्रोनिक्स र खेलौनाका समानहरु बरामद गरेको सशस्त्रले जनाएको छ।
३ लाख बराबरको अटोको मुल्यांकन गरि अटो र बरामद सामानहरु आवश्यक कारवाहिको लागि बिरगंज भन्सार कार्यालयमा बुझाईएको सशस्त्र प्रहरी पर्साका प्रवक्ता तथा सुचना अधिकारी सशस्त्र प्रहरी नायब उपरीक्षक नरेन्द्र सिंह धामीले जानकारी दिए।
