भारतको राजधानी दिल्लीमा पछिल्लो सातामा कम्तीमा १०४ जना नयाँ कोरोना भाइरस (कोभिड–१९) संक्रमित फेला परेका छन्। भारतको स्वास्थ्य तथा परिवार कल्याण मन्त्रालयका अनुसार सोही अवधिमा केरला राज्यमा ४३० र महाराष्ट्रमा २०९ नयाँ संक्रमितको पुष्टि भएको छ।
मन्त्रालयका अनुसार हाल देशभर सक्रिय संक्रमितको संख्या १,००९ पुगेको छ। तीमध्ये पश्चिम बंगालमा १२, राजस्थानमा १३, उत्तर प्रदेशमा १५, तमिलनाडुमा ६९, कर्नाटकमा ४७ र गुजरातमा ८३ जना सक्रिय संक्रमित रहेका छन्।
यद्यपि स्वास्थ्य मन्त्रालयले स्थिति नियन्त्रणमै रहेको जनाएको छ, तर सावधानी अपनाउन र स्वास्थ्य सुरक्षाका मापदण्ड पालना गर्न आग्रह गरिएको छ।
विशेषज्ञहरूले संक्रमण दर अझै न्यून रहेको भए पनि लापरवाही नगर्न र भीडभाडमा मास्क अनिवार्य गर्न सुझाव दिएका छन्।
