वीरगञ्ज, २०८१ चैत ८ – पूर्वप्रधानमन्त्री पुष्पकमल दाहाल (प्रचण्ड) ले बिरगञ्जको मुख्य सडक भत्काउनु पर्ने आवश्यकता छैन भन्ने बताउनुभएको छ। शुक्रवार वीरगञ्जमा आयोजित एक कार्यक्रममा बोल्दै उहाँले वैकल्पिक बाटोहरूको पर्याप्त उपलब्धता रहेको उल्लेख गर्दै मुख्य सडक विस्तारको प्रस्ताव अनावश्यक र अव्यवहारिक भएको तर्क प्रस्तुत गर्नुभयो।
कार्यक्रममा प्रचण्डले वीरगञ्जको सांस्कृतिक, ऐतिहासिक र आर्थिक महत्त्वलाई जोड दिँदै स्थानीय बासिन्दा र ‘वीरगञ्ज बचाउ अभियान’ ले उठाएका मागहरूप्रति पूर्ण समर्थन जनाउनुभयो। उहाँले थप्नुभयो, “यो सडकको पुनर्निर्माणका नाममा कुनै पनि असमझदारी भए हामी यस विरुद्ध सडकदेखि सदनसम्म सङ्घर्ष गर्नेछौँ।” प्रचण्डले यस विषयमा जनताको पक्षमा दृढ स्थिति राख्ने र कुनै गलत निर्णयलाई रोक्ने प्रतिबद्धता जनाउनुभयो।
